Átak í stærðfræði fyrir náttúrufræðideildir 4. bekkjar MR
3. desember 2009 kl. 12:29
Átak í stærðfræði fyrir náttúrufræðideildir 4. bekkjar MR
Bjóðum upp á námskeið laugardaginn 5. desember þar sem farið verður yfir öll helstu atriði sem nemendur þurfa að kunna skil á fyrir jólaprófið. • Farið verður vel yfir lausnaraðferðir klassískra prófdæma • Nemendur verða látnir reikna gömul prófdæmi auk frumsaminna dæma í svipuðum dúr. Á meðan ganga kennarar á milli og aðstoða nemendur. Um kennsluna sjá alvanir einkakennarar sem hafa aðstoðað nemendur við að bæta sína stærðfræðigetu um árabil.
Hvenær: Laugardaginn 5. des frá 9:30 – 14:00 Hvar: Hagaskóla – Aðalinngangur, Fornhagamegin Þátttökugjald: 8.500 kr
Skráning á námskeiðið fer fram með því að senda tölvupóst á netfangið atakshelgi@gmail.com.
Veitingastaðurinn Supersub á Nýbýlavegi 32 ætla að bjóða Mr-ingum 30% afslátt af öllum samlokum gosi og salötum á prófatímanum eða 30nóv til 12 des við framvísun Mr skírteinis Gangi ykkur öllum vel í prófunum !
Eftir mjög vel heppnað námskeið í fyrra höfum við ákveðið að endurtaka leikinn og bjóða upp á námskeið laugardaginn 28. nóvember þar sem farið verður yfir öll helstu atriði sem nemendur í 3. bekk þurfa að kunna skil á fyrir jólaprófið. • Farið verður vel yfir lausnaraðferðir klassískra prófdæma. • Nemendur verða látnir reikna gömul prófdæmi auk frumsaminna dæma í svipuðum dúr. Á meðan ganga kennarar á milli og aðstoða nemendur. Um kennsluna sjá alvanir einkakennarar sem hafa aðstoðað nemendur við að bæta sína stærðfræðigetu um árabil.
Hvenær: Laugardaginn 28. nóv frá 12:00 – 17:00 Hvar: Hagaskóla – Gengið er inn um aðalinngang Fornhagamegin Þátttökugjald: 8.500 kr
Skráning og nánari upplýsingar um námskeiðið fást með því að senda tölvupóst á netfangið atakshelgi@gmail.com.
Athugið að vegna takmarkana á kennsluaðstöðu getum við einungis tekið á móti 50 nemendum á námskeiðið. Það er því um að gera að skrá sig sem fyrst.
Stjórn Framtíðarinnar hefur ákveðið að halda stuttmyndakeppni. Nægur tími er til stefnu því keppnin fer ekki fram fyrr en um miðjan mars. Því er tilvalið að hugmyndaríkir MR-ingar gefi sköpunargleði sinni lausan tauminn í jólafríinu.
Að sjálfsögðu bíða sigurvegaranna vegleg verðlaun fyrir bestu myndina, frumlegustu hugmyndina, besta leik í aðalhlutverki og síðast en ekki síst verða veitt áhorfendaverðlaun. Keppendur þurfa aðeins að hlíta einni reglu: Stuttmyndirnar mega ekki vera lengri en 25 mínútur.
Skráningarfrestur rennur út 8. janúar, og skulu keppendur annaðhvort skrá sig í tölvupósti á framtidin@mr.is eða senda bréf á Framtíðarskrifstofuna. Í umsókninni þarf að taka fram nafn stuttmyndarinnar, höfund handrits og leikara í aðalhlutverkum. Þar að auki skal tiltaka einn tengilið, nafn hans, símanúmer og bekk.
Nauðstöddum keppendum er velkomið að leita til okkar, mögulega til að fá lánaða upptökuvél eða nota klippingaraðstöðuna á Amtmannsstíg. Við minnum á að keppnin er algjörlega háð framtakssemi nemenda í skólanum og vonum innilega að áhuginn sé slíkur að stuttmyndakeppnin í mars verði okkur öllum ógleymanleg.
Hér koma dagsetningar á allar keppnir í fyrstu umferð í sólbjarti Kynnið ykkur hvenær ykkar lið á að keppa og ef þið sjáið ykkur ekki fært að keppa látið mig vita sem allra fyrst svo ég geti fært keppnina ykkar og sett aðra í staðinn. Svo þessi 1. Umferð fari að klárast Smellið á meira til að sjá dagsetningarnar
